مواصفات الشخصية الحساسة
بقلم هدير جابر
مقالات كل الناس : تخاف ترفض لشخص طلب حتي لو ده هيكون علي حساب نفسها.. الشخصية دي اكتر شخصيه بتظلم نفسها وتفضل دايما جواها صراع داخلي وكتير بتيجى على مصلحتها عشان الناس
لما شخص يزعلها و تفكر انها تعاتبه و يزعل هو من عتابها ترجع تزعل من نفسها انها عاتبت علي الرغم ان معاها حق
مبتفرحش نفسها …؟!!!!
لانها ببساطة بتزعل و تفضل تكتم جواها لحد ما تقرر انها متتعاملش مع حد او لما تفكر تتعامل تقسي أوي علي اللي قدمها و ترجع تندم علي اللي بتعمله لان ده مش من طبعها
الفراغ بالنسبالها مصدر سلبي لأي حاجة وحشة لأن أبسط موقف بيحصل بتفضل قاعده مع نفسها وتفكر فى كل المواقف الصعبة اللي شافتها
الشخصية الحساسة … هي اكثر شخصية تعطي الحب بدون مقابل…
واكتر شخصية ممكن تكره الحب ده لو كان سبب في ضعفها…
التعامل مع الشخصيات الحساسة ليه كمان بيسامحوا مرة و اثنين و ثلاثة بعد كده لما يقلبوا بيكونوا شخصيات تانية عصبية جدا ، ممكن ده يسبب لهم قلة ثقة بالنفس جواها وأحيانا في كل اللي حواليهم
الشخصية الحساسة… بتكتم جواها و بتحاول تراعي مشاعر غيرها و ده مبيكونش ضعف منها هي بس باقيه علي العشره إنما لما بتقلب مبتعرفش ترجع زي الاول
نصيحة قدروا وجود الناس دي في حياتكم لان وجودهم سند حقيقي لأنهم اكتر ناس ممكن يهتموا بجد و اكتر ناس لما تزعل بتبعد بجد
حاولوا لو بتتعاملوا مع شخصية حساسة بلاش تتعبوهم لأنهم بيتعبوا لوحدهم بسبب طريقة تفكيرهم.
