تعرف على الأخصائية والمدربة نسمة جابر
أنا مين ؟
نسمة جابر
- زوجة وأم لبنتين 9 سنوات ، 6 سنوات
- أخصائي نفسي و Motherhood life coach and trainer
قصتي بدأت وأنا في ثانوية عامة وأنا بختار الكلية ، كنت عايزه أدخل كلية تفيدني كشخص ، و تفيدني لما أكون أم و جزء من عائلة مش وأنا جزء من شركة . و الإختيار في الآخركان لآداب علم نفس ، لإن ده هيفيدني علي الجانب العائلي بنسبة كبيرة جدا ، وفي نفس الوقت لو حبيت أشتغل أي حاجة مش هيكون عائق نهائيا بل بالعكس.
اشتغلت فعلا بعد التخرج بشهور وقبل الزواج في شركة أدوية في المجال الإداري والموارد البشرية، وترقية بعد ترقية درست الموارد البشرية بشكل أعمق في الجامعة الامريكية ، والشغل إستمر لمدة سبع سنين(تزوجت وأنجبت بنتي الكبيرة خلال السبع سنوات ). في كل لحظة في السبع سنين دول كان في صوت جوايا بيقولي إنتي مش في المكان الصح عيلتك هي مكانك الصح ، ليه طيب بعد الشغل والترقيه والدراسة والمرتب المعقول جدا وقته ؟ عشان عيلتي الجديدة.
فعلا قدمت استقالتي ، واشتغلت في مجال دعم الامهات من الناحية النفسية والتربوية خصوصا Stay at home mums
نسمة جابر بتعمل ايه بالظبط او بتفيد الامهات ازاي؟
أنا بساعد الأمهات ازاي تفهم نفسها واحتياجاتها وتفهم اولادها واحتياجاتهم بشكل يساعدهم يعيشوا بجودة أعلي .
وده كان من خلال الدراسات والخبرات التالية :
- كلية الاداب قسم علم نفس .(بطبق تربية من وانا في الجامعة لاني كنت خالة من وانا عندي 15سنة )
- مدربة معتمدة من منظمة التربية الايجابية للاباء .
- مدربة معتمدة من منظمة التربية الايجابية للفصول الدراسية .
- حاصلة علي دبلومة “The creative trainer”
- لايف كوتش معتمدة من – Meta coach foundation
- عملت كورس التربية بالحب أكثر من 22 مرة بفضل الله.
- عملت كورس teaching with love في أكتر من مدرسة دولية و غير دولية .
- اشتغلت مع الاطفال في اكتر من برنامج ( summer and winter camps – حلقات علم – برنامج للاطفال عن التنمر – غرس القيم) .
- حصلت علي تدريب في مستشفي العباسية للامراض النفسية (قسم الكبار والاطفال) .
