أم و مدربة تربية و كوتش للأسرة
تعرف أكثر على المدربة أسماء شحادة
أنا مين؟
أسماء شحادة
أم لولدين ١٤ و ١١ سنة و بنت ٣ سنين
أم مغتربة من سنين
بشتغل ايه؟
- parenting strategist
- Family coach
- مدربة تربية إيجابية
البداية؟
انا دخلت مجال التربية من اول ما خلفت و بعدها بفترة سافرت و لقيت اني محتاجة أقرا كتير و افهم عشان اعرف اتعامل مع ولادي و انها مسئولية كبيرة و ان التربية مش مجرد تلبية الاحتياجات الأساسية من اكل و شرب و نوم
و لكن كنت محتاجة افهم نمو الاطفال من الناحية العقلية و النفسية و العاطفية إلى آخره خصوصا اني في غربة و مفيش دعم معنوى او نفسي كافي ، و ده كان السبب الرئيسي في دخولي المجال و بدء الدراسة فيه بشكل أعمق و اصبح شغف عندي لأني كمان اكتشفت إني بحب التعلم …و توصيل العلم للناس درست الآتي:
- Child psychology skills
- Positive discipline
- Professional coaching
- Family coaching
- Professional training
- Positive Psychology courses
طب يعني بعمل ايه بالظبط او بفيد الناس ازاي؟
أنا بساعد الأمهات خاصة و الأهل عموما في انهم يكون عندهم خطة او استراتيجية للتربية
بمعنى ايه مدربة تربية إيجابية ؟
•يعني عندنا أهداف في تربية أولادنا و أهداف للأسرة ككل
• بساعدكم تحددوا مبادئكم و قيمكم اللي حابين تربوا عليها أبناءكم و تكون أساس و مرجع للأسرة
•بساعدكم تتعلموا و تمارسوا المهارات اللازمة للتربية عشان تبنوا علاقة أفضل و يبقى فيه رصيد كافي من الحب يزود ترابط الأسرة
•بساعدكم تكتسبوا العقلية التربوية اللي متعلمناهاش قبل ما نتجوز و نخلف عشان نعرف ازاي نتعامل مع أولادنا و ايه أدوارنا المختلفة في رحلتنا معاهم
بحلم بمجتمع من الأمهات يكون إيجابي و ناخد بإيد بعض بإستمرار
بحلم أن كل أسرة تبقى ليها أهداف مشتركة بيسعوا لتحقيقها سوا
بحلم أكون سبب في إن الحب و التواصل يكون شىء أصيل في بيوتنا
الصفحة الشخصية الرسمية بالمدربة أسماء شحادة على الفيسبوك
